Þá er þetta byrjað aftur.   Ég má ekki setja út á fatnað valkyrjanna – þau eru víst flott segir fröken Yndisleg.

 

Lag eitt: Titanic hvað – byrjunin var skelfilega eitthvað leim en lagið vinnur á með hverri sek  en æi nei þetta er ekki að gera sig.  Lúkkið flott!

 

Lag tvö:  oo7 með kántrý – Ég er búin að heyra þetta lag nokkrum sinnum  í útvarpinu og það hljómaði betur þar en ég er viss um að þetta fer áfram.  Lúkkið voða eitthvað normal!

Lag þrjú: Vögguvísa útsett af gospel Óskari – ALLS ekki að gera sig. Setjum Íslenskan texta á þetta lag og þá gætum við farið að tala saman. Lúkkið svona Jogvan lúkk.

Lag fjögur: Lísa í Undralandi – Nei , nei , nei. Ekki að gera sig. Lúkkið Skelfileg stæling á Hafdísi Huld.

Lag fimm: ??????? -  Ekki minn stíll en þetta fer áfram en gerir ekki meira en það. Lúkkið eitthvað leim Britney – papa don´t preach ???? jesús þetta er bara ekki að gera sig.

Já þetta var ekki djúsí kvöld lögin ekkert spes og ég held bara að Matti hafi verið bestur í kvöld.

Hvað er þetta með símadjókið hjá þeim er þetta halllllóó eða hvað?

 

Eftir að hafa séð upprifjunina nokkrum sinnum þá venst lag eitt mjög vel, Matti flottur, Sjonni já ég vil enn fá íslenskan texta, lag fjögur æi það er eitthvað pirr pirr við þetta og lag fimm skánar bara ekkert.

Við fengum áskorun og eins og allir góðir forsetar þá tökum við því. Við vorum sumsé beðnar um Júróvisijón blogg já jibby vertíðin er byrjuð aftur

Þar sem lög kvöldsins eru ekki byrjuð þá verður þetta júrómatarblogg.
Í forrétt var hvítlaukshumar, aðalrétturinn var lambafile og mðlæti og eftirrétturinn verður, komum honum ekki niður strax, Pavlova með rjóma og ávöxtum.  
Bara gott skal ég segja ykkur.

Gleðilegt ár allir saman!

Ég sé fram á góða helgi Við fjölskyldan ætlum að bruna á Nesið góða og taka með okkur tvö aukabörn og eina Unni! Að auki er ég að fá fréttir af því að fleiri ættingjar ætli að fjölmenna því elsta systir hans pabba og maðurinn hennar eiga hvorki meira né minna en gullbrúðkaup um helgina Til hamingju með það Sigrún og Bjarni

Bryggjuhátíðin er að bjóða í mat á morgun og ég læt góð boð aldrei framhjá mér fara. Ég er búin að vera að forvitnast um matinn en það eina sem ég hef fengið að vita er að í forrétt verður kræklingur og læri í aðalrétt. Ég hef nú ekki verið hrifin af kræklingum síðan í skólaferðalaginum um árið í Stykkishólmi en ég er nýr og betri matgæðingur og ætla mér að smakka og ég á fastlega von á því að mér muni þykja þetta gott

Ömmudrengnum hefur verið lofað ís í morgunmat og ævintýraferð að trébrú. Ég spurði hann í morgun hvað hann ætlaði að gera á Drangsnesi? ,,Ég ætla að trampa á trébrú og stanga tröllið sem kemur upp!" Geiturnar þrjár eru s.s. í uppáhaldi þessa dagana. Strax snemma á sunnudaginn þurfum við að kveðja því kl 14 mætir Söngvaborg í söngskólann og kl 15 er krakkaafmæli. Ef hann verður ekki uppgefinn eftir helgina þá veit ég ekki hvað! Eins gott að leikskólinn er lokaður á mánudaginn, hann getur þá hvílt sig þá!

Fyrir svona annasama helgi er gott að birgja sig upp af vítamínum og krafti Einn ískaldur og svalandi drykkur sem er í uppáhaldi hjá mér þessa dagana er appelsínusafi, frosin jarðaber og frosin bláber sett í blandara og volá! Enn betra ef maður á járn í fljótandi formi að skella því útí og bæta enn frekar við kraftinn Klikkar ekki og krökkum finnst þetta æði

Fyrst Yndislegust var að setja inn uppskrift þá ætla ég að setja tvær uppskriftir af réttum sem ég eldaði um daginn. Báðir eru svona "hvað á ég til" réttir og fyrir fjóra.

Fiskréttur:
fiskur (ýsa var í frystikistunni hjá mér)
frosið grænmeti: blómkál, brokkolí og gulrætur (til í frystikistunni líka)
Mexico steyptur ostur (til í ísskápnum).
Hrísgrjón (til í búrinu)

Soðin hrísgrjón sett neðst í eldfast mót, svo fiskur, grænmet og sósan, (sem var gerð úr Mexico ostinum og mjólk) og ostur yfir. Hitað í ofni þangað til osturinn er bráðinn. Ég sýð fiskinn og grænmetið áður en það getur vel verið að það þurfi ekki. Fyrir þá sem borða rækjur þá er örugglega delissijös að setja þær með fiskinum.

 * * * * *
Kjúlklinganúðlur
Kjúklingaafgangur, skorið í bita (til í frystinum, samsvarar ca 2 bringum)
2 pk Kjúklinganúðlur (þetta í litlu ódýru pökkunum)
gúrka og gulrætur (yfirleitt til í ísskápnum)

Sjóða núðlurnar, steikja kjúklingabitana og gúrkubita og gulrætur. Öllu blandað saman og dass af soya sósu yfir. Borið fram með hrísgrjónum og súrsætri sósu.

Bara gott

Í kjölfarið á því að ég lét smyrja bílinn um daginn og gekk út með 120 þús króna reikning! settist ég niður og gerði matseðla tvær vikur fram í tímann og ,,reglan" var sú að ég mætti helst ekkert kaupa nema mjólk, brauð, ávexti og grænmeti. S.s. kreppumatseðill   Ég varð s.s. að nýta til hins ítrasta það sem ég átti í skápunum, og það er ekkert lítið skal ég segja ykkur! Endalausar dósir af allskyns mat. Einhverra hluta vegna á ég 3 krukkur af nýrnabaunum inni í skáp en aldrei á ævinni hef ég nokkurn tímann eldað eitthvað með nýrnabaunum í! Fyrr en í gær

Ég skar heilan rauðlauk smátt (ok, ég skar ekki sjálf, matvinnsluvélin mín sá um það ) og steikti ásamt tveimur hvítlauksrifjum. Þegar laukurinn var orðinn mjúkur setti ég niðurrifnar gulrætur (matvinnsluvélin sá líka um það ) ca 6 stykki og u.þ.b. 2/3 af vænni steinseljurót (niðurrifinni líka) útí. Steikti þetta saman í smá stund og bætti svo við fjórum niðurskornum tómötum, einni dós af niðursoðnum tómötum og tómatpurré. Sauð þetta í smá stund (vatn sem nemur einni niðursuðudós líka). Að sjálfsögðu setti ég eina af þessum þremur nýrnabaunadósum útí og saltaði, pipraði og setti svo SMÁ sterkt chili duft yfir. Sauð ennþá meira og volá!

Þetta bar ég fram með spelt spagettí, ristuðu brauði, niðurrifnu spínati, parmesan og fetaosti snilld skal ég segja ykkur og bragðast enn betur daginn eftir Hollt, ódýrt og einfalt

Já, við fjölskyldan erum flutt í bæinn reyndar eru nú nokkrar vikur síðan en við fengum bara netið í gær. Heimasíminn datt inn áðan og þá er bara eftir að koma sjónvarpinu í réttar tengingar. Þetta gengur víst bara ekki hraðar en þetta hjá Vodafone og Gagnaveitu Reykjavíkur.

Öll vorum við að byrja á nýjum vinnustöðum, Doktorinn fílar sig vel og drengurinn líka, þó hann sé ekki þar sem hann var settur upphaflega. Eftir tæplega tvær vikur á leikskólanum var hann fluttur um deild, í stóru stráka deildina Hann er sko alveg sáttur við það og þeir félagar KG og GK eru með snaga hlið við hlið og sitja svo hlið við hlið í kaffinu. Mín vinna er fín allt öðruvísi en ég er vön og það er ekki laust við að bakið sé pínu þreytt eftir hverja vakt enda allt annað að hagræða barni en fullorðnum í rúmi. Þetta er líka öllu verklegri hjúkrun en ég er vön, fullt af sárum og svoleiðis Tvisvar hef ég þurft að yfirgefa stofuna vegna skyndilegrar vanlíðunar sem fól í sér svita, svima, ógleði og annað slíkt..... Ég er bara alveg einstaklega klígjugjörn manneskja og kúgast nokkuð auðveldlega. Það er ekki nóg með að sjúklingarnir og lyfjaskammtarnir sér stærri en ég er vön, það er ALLT stærra! Meira að segja sýnin sem ég tek eru stærri...sem ég skil ekki því þau eru unnin í sömu vélum....

Drengnum líkar söngskólinn vel enda ekki hægt að búast við öðru þar sem hann syngur stanslaust allan daginn Þeir feðgar fóru í réttir í Garpsdal um helgina og skemmtu sér vel. KG vildi nú samt ekki segja mér neitt frá ferðinni, hann neitaði að hafa hitt ömmu og afa og Geirmund og hann neitaði að hafa séð nokkrar kindur. En Litla Skott sá hann og þegar ég minntist á hana losnaði um málbeinið á honum og hann lék eftir allskonar hljóð sem hún á að hafa gefið frá sér krúttið

Næsta mál á dagskrá er að finna okkur eitthvað skemmtilegt að gera um helgina! Við eigum saman helgarfrí um næstu helgi og það hefur ekki gerst svo lengi að við séum bæði í fríi og ekkert stórt planað (eins og flutningar...) að við vitum ekki alveg hvernig við eigum að haga okkur! Einhverjar uppástungur?

Mig langar til Glasgow og hef verið að skoða hin ýmsu kjör hjá Icelandair. Ég gerði smá könnun um hversu hagkvæmt það er að fara í svokallaða vildarferð vs pakkaferð. Þá þarf ég að nota vildarpunktana mína, Skagamannsins og fleiri til að ná upp í þann punktafjölda sem þarf.
Ég komst að þessari niðurstöðu... með þeim fyrirvara þó að a) ekki alveg sömu dagsetningar á ferðunum og b) að hótelverðið sé rétt sem gefið er upp á netinu.
1. Pakkaferð (flug og gisting í 2 nætur á Jurys Inn) kostar 46.350 kr pr ég eða 92.700 kr fyrir tvo því ekki ætla ég ein.
2. Vildarferð (bara flug). Þá þarf ég að nota 38.000 punkta (þarf að millifæra og borga tilheyrandi kostnað við það sem er 3000 kr fyrir hverja millifærslu en ég miða við eina). Ég þarf að borga 17.330 kr í skatta og bókunargjald. Svo þarf ég að finna gistingu og ef ég fer á Jurys Inn í 2 nætur þá kostar nóttin GBP 126 sem gera 25.830 kr (ef ég miða við gengi 205). Þá er ég komin upp í 46.160 kr pr ég.
HA!!! Það er sem sagt bara ekkert ódýrara að fara í þessa vildarferð sem á að vera svo ógissla sniðugt...
Svo fyrir utan það að ef ég ákveð að gista á Holiday hótelinu (mínu og Bárunnar) þá er gistikostnaðurinn mun lægri eða 13.735 kr og heildarkostnaðurinn 34.065 kr pr ég.

Ég heyri ótrúlegustu sögur um öryggisatriði og fleira hjá Norðurál. Ég hlæ að þeim flestum enda sumt bara fáránlegt.
Skagamanninum mínum hefur oft verið hótað að vera rekinn af svæðinu. Fyrir hvað? Jú, að hafa ekki öryggisgleraugu. En þegar hann notar þessi öryggisgleraugu þá sér hann ekki hvað hann er að gera með kranann í 35 metra hæð, ekki mikið öryggi í því.
Einu sinni var hann líka stoppaður fyrir ofsaakstur. Hann var ekki mældur en fólkinu fannst hann keyra á ofsahraða (orðrétt). Hámarkshraði á svæðinu er 20 km/klst. Hann tékkaði á ökuritanum... hann var á 24! Þvílíkur ofsaakstur, enda stórhættulegur maður á ferð.
Svo er búið að banna hnífa á svæðinu (kemur Skagamanninum mínum ekki við). Þeir sem þurfa hnífa við vinnu sína þurfa að fá leyfi hjá næsta yfirmanni. Kvitta fyrir móttöku, segja ástæðu og kvitta fyrir þegar þeir skila. Svo sem ok upp að vissu marki. EN ákvörðunartöku um hnífabannið í mötuneytinu hefur verið frestað. HA? Má ekki nota hnífa í eldhúsinu?
Svo það nýjasta... það á að kenna Skagamanninum um að maður sem hann var að vinna með hafi fótbrotnað! Þvílík endemis vitleysa og Skagamaðurinn, þessi líka rólegi maður, er BRJÁLAÐUR. Starfsmaðurinn fór ekki eftir því sem honum var sagt, var að toga í spotta sem hann átti ekki að toga í, flækti sig í rafmagnsköplum og datt. Starfsmaðurinn getur bara sjálfum sér um kennt!

Við fórum á Ljósanótt í Reykjanesbæ um síðustu helgi. Við rötum ekki neitt í þeim bæ og vorum mjög fegin þegar við vorum stoppuð við komuna í bæinn og okkur var rétt götukort. Ég var ekki eins ánægð með kortið þegar ég ætlaði að fara eftir því, varð eiginlega bara svolítið mikið meira en pínulítið pirruð! Þetta kort fær stóra falleinkunn. Við gátum ómögulega fundið út hvar við vorum á kortinu... þangað til ég áttaði mig á því að við vorum í annarri hvorri Njarðvíkinni og Njarðvík var ekki á kortinu heldur bara Keflavík. Já, ekki sniðugt að hafa bara annan hlutann af bænum. Ekki gert ráð fyrir að fólk komi á hátíðina sem ratar ekki um bæinn. Það voru bara nokkrar götur merktar á kortið. Engin kennileiti sem "almenningur" kannast við og gæti áttað sig. Hefði til dæmis verið mjög sterkur leikur að hafa kirkjuna, lögreglustöðina, N1, bankana og fleira í þeim dúr inn á kortinu. Inn á kortinu var aftur á móti hvar var hægt að leggja bílum og hvar klósettin voru... en það voru ekki endilega götuheiti við þær merkingar. Við ákváðum að taka rúnt á hátíðarsvæðið og gerðum alveg ráð fyrir umferðartöfum, sem auðvitað voru en við vorum ekkert að pirrast yfir því. Með hjálps þessa ómerkilega korts gátum við lesið út að það væri hægt að fara "hér" og "hér" til að komast "þangað". En nei, þá voru göturnar lokaðar. Ekki var það merkt inná. Maður mætti halda að þegar svona kort eru gerð sérstaklega fyrir "ferðafólk" að það séu almennilegar upplýsingar á þeim. Þegar við loksins fundum Reykjanes 2009 sýninguna var farið að sjóða á mér. Fyrsta fólkið sem ég hitti þar inni voru konur merktar Reykjanesbæ og konugreyin fengu sko aldeilis að heyra í mér. Þær voru sammála mér eftir að hafa skoðað kortið og ég vona að þetta verði lagfært fyrir næsta ár.
Kvöldið var miklu skárra... þá fengum við fylgd og villtumst ekki neitt og nutum þess að horfa á tónlistaratriðin og frábæra flugeldasýningu.

hér er bréf sem við fengum fyrir nokkrum dögum. Birt með góðfúslegu leyfi bréfritara.


Kæra fjölskylda, ég er búin að eiga mjög langan dag, sem hófst gríðarlega snemma og því held ég nú til koju. Ég vaknaði snemma og lét þvottavélina finna fyrir því og gerði svo allt hreint og fínt.  Svo fór ég í smá göngutúr og var að gera hinu ýmsu hluti, t.d. ná í strákana í leikskólan og gekk það allt mjög vel. Ég fattaði kl.16:20 að ég ætti að taka strætó kl. 16:25 og ég átti þá eftir að klæða mig og hjóla niður þar sem strætóinn stoppar. Ég dreif mig og hjólaði eins hratt og ég gat og náði að komast í tæka tíð og stóð hjá stoppustöðinni þegar strætóinn keyrir framhjá! Já hann keyrði framhjá. Helvítis tíkin sem er að keyra strætóinn, hún er með þeim heimskari sem ég hef hitt. Einu sinni ætlaði hún að stoppa niðrí bæ og hleypa mér út en keyrði upp alla helvítis brekkuna þannig að ég þurfti að labba helling en jæja eftir að ég hoppaði og kallaði stoppaði hún loksins þar sem hún átti að gera og ég fór uppí strætóinn. Þar gekk allt sæmilega þanngað til að hann fór vitlausa leið(vil ég meina) og þurfti ég því aftur að labba helling en allt í lagi. Ég kom á æfingu á réttum tíma og sé bara 4.flokks stráka leika sér um. Ég spurði hvar stelpurnar væru á dönsku og var mér bent á völl skammt frá. Ég fór þanngað og þá kom einn maður sem sagði mér að það væri ekki æfing í dag!! Eftir allt sem ég lagði á mig en þetta er því miður bara byrjunin. Ég labbaði þá alla alla leið niður í bæ og tók strætó. Strætóinn fór kunnulega leið en svo allt í einu þar sem hann snýr vanalega við og heldur áfram stoppaði hann og bílstórinn kallar á mig þar sem ég var í góðum fíling með ipodinn og ég í sakleysi mínu stend upp og ræði við hann. Eða "ræði" hann sagðist ekki skilja ensku og byrjaði svo að öskra/tala frekar hærra en gegnur og gerist ; out, out, out, out(Alma og pabbi: út út út út út...) ég fór því út úr strætóinum og svo keyrði hann í burtu ! Ég var stödd útí rassgati og allir strætóar hættir að ganga leiðina heim. Sem betur fer var gella að taka til í garðinum sem lét manninn sinn hringja á taxa fyrir mig. Þegar taxinn kom sagði ég honum að ég ætti einungis 100 kr. danskar og hann ætti bara að fara sem næst áfangastað. Hann var nú svo almennilegur og ákvað að keyra mig allaleið á Engvej 9 en þegar við komum þanngað sá ég svart á hvítu að danski hreimurinn minn var engan vegin ásættanlegur því  ég á heima á Egernvej 9. Sem betur fer sá maðurinn í sóma sínum að keyra mig í átt að húsi mínu og stoppaði svo þegar ég fann hjólið mitt. Þá kom ég heim og ætlaði að fara að borða en þar sem hinir voru búnir þá borðaði ég ein sem var allt í lagi. Nema ég sé þennan disk á borðinu með pasta og hakki. Diskurinn var á miðju borðinu þannig að ég færði hann í mitt sæti og stóð upp og náði mér í tómatsósu en þá kemur karlinn og bendir mér á að maturinn "minn" var ekki minn! Heldur fyrir strákinn sem var að koma heim... 

Kartöflubændur í Hornafirði brosa breitt því uppskeran er með eindæmum góð að því segir á frétta- og upplýsingavef Hornafjarðar. „Ég hef aldrei fengið svona mikla og góða uppskeru,“ sagði Hjalti Egilsson kartöflubóndi á Seljavöllum þegar þar sem hann og fólk hans voru við kartöfluupptöku í dag. 

Hjalti treysti sér ekki til að áætla hversu margföld uppskeran væri, bara að þetta væri miklu meira en hann hefði nokkurn tíma fengið en magn útsæðis var sama og í fyrra í 22 hektara.

Hjalti byrjaði að taka upp kartöflur (premier) og koma í sölu síðast í júní sem var nokkru fyrr en áður hefur tíðkast og það sem meira var – hann setti niður útsæði (gullauga) í garðinn þar sem búið var að taka upp. „Þetta er nú bara tilraun til að vita hvort tekst að fá tvisvar uppskeru  í sumar,“ sagði Hjalti. „Það eru allavega komin ,smá ber það er að segja þar sem gæsirnar réðust ekki í garðinn, það hefði þurft að setja yfirbreiðslu strax þá hefði þetta allt bjargast. Nú er bara að bíða og sjá hvernig þessi seinni uppskera verður,“ segir Hjalti í samtali við fréttamann vefjarins.

Birna Jensdóttir húsfreyja á Seljavöllum segir að kartöflugeymslurnar séu að verða fullar og enn mikið ókomið í hús, annars fari kartöflurnar mikið á markaðinn jafnóðum. „Við sendum allt nema það sem fer hér á heimamarkað til eins dreifingaraðila í Reykjavík sem síðan sér um að koma vörunni til verslana og stórmarkaða,“ segir Birna.

Hér má sjá fréttina á Frétta- og upplýsingavef Hornarfjarðar.
tekið af vefnum www.mbl.is

29. ágúst nálgast óðfluga en þá flytjum við fjölskyldan búferlum á ný! Við erum ekkert mikið fyrir að breyta til og því flytjum við aftur í Rekagrandann. Feðgarnir byrja báðir í nýjum skóla 1. sept og mín fer svo í alveg glænýja vinnu 7. sept. Barnaspítalinn er að spara og ræður enga ,,nýja" þannig að ég fer á 12G, neðri meltingarfæraskurðdeild. Það verður án efa hrikalega skemmtilegt, ekki síst vegna þess að þrjár vinkonur úr hjúkkunni vinna þarna og ein þeirra tekur mig í aðlögun

Núna er því allt á fullu í niðurpökkun og síðustu-mínútna-reddingum. Kallinn verður á flugvöktum út alla vikuna þannig að það er ekki alveg víst að það náist að ferja bílinn á föstudaginn eins og planað er. Speaking off, ég veit ekki einu sinni hvort það er búið að panta bílinn!

Síðasti dagurinn hans KG í leikskólanum er á fimmtudaginn Ég fer í foreldraviðtal í dag ég á ekki von á öðru en að það gangi vel Hann fer svo í nýjan leikskóla strax 1. sept en við vorum svo heppin að hann fékk inn á sama leikskóla og góðvinur hans GK. Þeir eiga eftir að vera góðir saman. Ég var svo að enda við að skrá hann í Söngskóla Maríu Þar byrjar hann 13. sept Ég er strax farin að hlakka til! Ég er líka búin að senda út fyrirspurnir á íþróttafélögin í kring vegna sundnámskeiða...allt í gangi á þessum bæ!

Ef einhvern langar að pumpa vöðvana á laugardaginn þá má sá hinn sami koma og bera kassa og sófa með okkur

Tengdó bauð mér í mat í kvöld sweet!

Hún bauð upp á geðveikt góðan laxarétt sem ég hef aldrei fengið áður hjá þeim. Hún skar sætar kartöflur í sneiðar og bakaði í ofni. Þegar þær voru um það bil tilbúnar setti hún roðflett laxastykki ofan á, saltaði og pipraði og hellti svo maple sírópi yfir. Þetta var satt best að segja æðislegt Borið fram með sumarsósu (fjölskyldu-uppskrift, þarf að fara að læra hana) og fersku salati. Ég er nú venjulega enginn sérstakur aðdáandi síróps en þetta smellur allt saman

Endilega prufiði ljúffengt, einfalt hollt og gott!

Á mánudaginn átti að vera þorskur í matinn hjá okkur. Í nettó rákumst við hinsvegar á humar á 1699 kr kg. Það freistaði okkur alveg gífurlega og eins og sannir syndarar féllum við eftir um það bil hálfa mínútu af umhugsun. Og OMG hvað þetta var dílissíjuss

Við skelltum þessu bara á bökunarplötu, söltuðum og krydduðum með hvítlaukssalti. Geir bjó svo til hvítlaukssmjör með steinselju. Með þessuð fengum við okkur ristað brauð Fínasti kvöldmatur hver segir að það þurfi af vera kreppa alla daga?

Ég er svo aðeins búin að vera spá í verðinu á humri. Humarinn sem við keyptum var auðvitað ekki fyrsta flokks og innan um voru nokkrir baby-lobsters en í frystinum við hliðina á þessum var 1. flokks humar á 2200 kr kg. Ég geri ráð fyrir að flestum finnist það vera dýrt og þess vegna telst þetta vera fínn matur sem er sjaldan á borðum. EN svo fer maður og kaupir ferskar, úrbeinaðar og skinnlausar kjúklingarbringur á 2999 kr kg! Við ætluðum að grilla lambafilé um verslunarmannahelgina og í kjötborðinu í Hagkaup kostaði kílóverðið yfir 4 þúsund! Enda keyptum við í staðinn piparsteik á 3400 kr kg! Við vorum 4 fullorðin og keyptum sem nam næstum því kíló og það var þessi líka ljúfasta sneið í afgang daginn eftir

Daginn eftir humarveisluna var bara skyr og brauð í matinn. Ég átti ekki skyrið og þurfti að fara í bónus að versla og þar sem ég átti ekkert álegg á brauðið keypti ég það líka. Ég verslaði eina stóra dollu af skyri, kjúklingaálegg, banana, tvö epli, ost og smurost á 1900 kr! Með það í huga þá er humarinn bara allsekkert dýr!

Það er nú kominn tími til að hakka sér hér inn og hrista aðeins upp í þessu bloggleysi hér. Ég er flutt á þetta blogg. Er reyndar ekki búin að láta þær hinar vita en SURPRISE  hér er ég.

Ég keypti klósettpappír um daginn sem venjulega væri ekki til sérstakrar frásagnar nema þetta var Lambi pappír Limited collection. Jahá limited collection, svona eins og bílar og þannig. Svo fór ég að skoða pokann nánar þá sé ég að myndirnar á pappírnum eru hannaðar eftir Cecilia Carlstedt, one of the most leading fashion artists in the world, hvorki meira né minna. Þannig að nú hef ég skeint mig á verkum eins frægasta listamanns heims. Með fullri virðingu fyrir henni og hennar list þá væri það eitt það síðasta sem ég myndi gera, að setja listaverkin mín á klósettpappír!

En já ég á líka eina mjög merkilega klósettrúllu. Fyrir 2 árum eða svo keypti ég klósettrúllu í Tiger á 200 kr sem er ekki merkilegt nema fyrir þær sakir að á blöðunum eru Sudoku talnaþrautir. Þessi rúlla er sem sagt búin að vera "skraut" á baðherberginu í allan þennan tíma og mátti alls ekki nota. EN núna er ég orðin algjör Sudoku-fíkill og stalst til að nota rúlluna... þ.e.a.s. leysa þrautirnar. Þetta er snilld! Svo ef ég fæ húsmæðrahagsýniskast þá get ég geymt blöðin sem ég er búin að krota á og skeint mig á þeim.